Bhartiye Shiksha vyavastha vs Japani Shiksha vyavastha

bhartiye shiksha vs japani shiksha

Ek chota sa desh Japan, puri duniya me kai kaarnamo ke chalte mashoor hai usi me se ek he waha ki education system yaani shiksha vyavastha. Aaj is blog me hum bharat aur japan ke education system ka comparison karenge. 

 

MEXTDoston jaisa ki aapko pata hi hai ki india ka education system alag-alag boards me bata hua hai jaise ki CBSE, ICSE aur har state ka apna-apna board bhi to hai. Lekin aapko bata de ki Japan me aisa bilkul bhi nahi hai. Yaha par sirf ek hi board hai jise MEXT kahte hain matlab Ministry of Education, Culture, Sports, Science and Technology. Japan ke sabhi students isi board ke antargat padhai karte hain.

 



Japan ka education system 6-3-3-4 ke formule par kaam karta hai matlab ek student sabse pahle 6 saal elementary school me padhta hai phir 3 saal junior high school me, phir 3 saal senior high school me, phir 4 saal university me apni padhai karta hai. Yahan par har student ko kam se kam 9 saal ki padhai to compulsory karni hoti hai. Wahi agar baat kare Indian education system ki to yahan par 4-6-2-3 ka formula kaam karta hai. Matlab 4 saal elementary school me, 6 saal junior high school me, 2 saal senior high school me aur 3 saal university ke. Isme se har student ko kam se kam 10 saal ki padhai karni to jaroori hai lekin iska sakhti se paalan aksar nahi kiya jaata.

 

Doston, japan bhale hi india se aakar me 9 guna chota ho lekin literacy rate yaani saakshrta dar me japan India se 117 rank aage he. Bata de ki india ki literacy rate 74.04% he jabki aapko jaan ke hairaani hogi ki Japan ki literacy rate 99% hai. Jaha ek or hamare desh ki sarkaare bachhon ko school tak lane ke liye laakho aur karoron rupye kharch karti hai phir bhi bachhon ki school aur colleges me attendance kaafi kam hoti hai lekin Japan me students ki average attendance 99% se bhi jyada hai. Iska sabse pramukh kaaran he waha ke baccho me sikhayi gayi discipline.

  India Japan
literacy rate 74.04% 99%



disciplineJapan ke school me students padhai ke saath-saath unhe achhe shishtaachaar dene par bhi kaam karti hai. Wahan par students ko shuru ke 3 saal padhai ki jagah sirf shikshtachaar discipline sikhaayi jaati he. waha  bado ka aadar karne aur sabhi se achhe se bolna sikhaaya jaata hai lekin hamare desh me ye sirf kitaabi baate rah gayi hain. Bahut hi kam aise students hote hain jo anushasit hote hain aur bado ka aadar karte hain.

 

saaf safaai
saaf safaai

Hamare desh me school ki saaf-safaai aur doosre kaam ke liye bahut se logo ko kaam par rakha jaata hai lekin Japan me aisa nahi hota. Yahan saptaah me ek din  sabhi students milkar school ki  safai karte hain. Isse na kewal school me saaf-safaai hoti hai balki sabhi students ek saath ek team ki tarah kaam karna seekhte hain. Bata de ki baccho me prasiddh Japanese cartoon Shinchan me bhi school me baccho ko safaayi karte dikhaya jaata he.

 



ab zahir si baat he ke agar bacche khud saaf safayi karenge to unme swacchta rakhne ka gyan apne aap aa jaata he. Isliye japan ke logo me aur japan ki sadko me swacchta dekhi ja sakti he wahi bharat me yaha ki sarkaaro ko swachchhta abhiyaan chalaane ke bawajud saaf safayi dekhne ko nahi milti.



Competition
Competition

Dosto jaha ek taraf bharat me college life samaapt hote he yaha ke students me job lene ki ya fir kisi competitive exam ko crack karne ki hod lagi reahti he wahi japan me esa nahi he, japan me college padhaai ke baad leadership me special training lena anivaary he.

 

 

 



Doston agar hum languages ki baat kare to Japan me Japanese, Chinese, Korean, English aur Russian kuch famous languages hain aur sabhi students inhi bhaashaon me padhai karte hain. Wahi hamaare desh Bharat me Hindi, English, Tamil, Telugu, Bengali, Punjabi, Marathi, Gujarati aur bahut si doosri bhaashaen boli jaati hain aur har raajya ke students English ke saath in me se kuch bhaashaon me bhi padhai karte hain.

 

Jaisa ki aap jaante hi hain ki Hamare desh ka education system angrejo ke education system se prabhavit hai. Britishon ne aadhunik Bharat ke education system ki neev rakhi thi aur aaj bhi hum usi system se kaam chala rahe hain. Isi tarah Japan ka education system bhi France ke education system se prabhavit hai aur wo bhi usi system par chal rahe hain, wahi aapko bata de ki England aur France ke logo ne Bharat aur Japan ke pracheen education system se seekha hai aur apne khud ke education ko behtar bana liya hai.



Hamare desh Bharat me har ek teacher par 39 students ko padhane ki jimmedari hai wahi Japan me ye aankda sirf 22 hai. Isse ye saaf ho jaata hai ki Japan me jansankhya ke hisaab se Bharat se jyada teachers hain. Bharat me filhaal 16 lakh school hai, 799 universities aur 39,701 colleges hain. Jabki chote se desh Japan me 11,000 schools aur 787 universities hain.

  India Japan
School ki sankhyan 16 lakh 11,000
College ki sankhyan 39,701
University ki sankhyan 799 787
Prati teacher student ki sankhyan 39 22

 

Doston, Bharat ke education system me sabhi logo ko shiksha ka baraabar adhikaar he. Iske alawa sarkaar ko ye koshish karni chahiye ki shiksha ke kshetra me kisi bhi varg, jaati ya dharm ke vyakti ko vishesh mahatv na diya jaae balki bina kisi bhedbhaav ke sabhi tak shiksha ko pahunchaya jaae. Bata deki bharat me education me aarakshan ka ek taraf jaha logo ko fayda hota he to dusri aur nuksaan jhelna padta he. Wahi japan jese desho me aarakshan jesi koi baat hi nahi hoti he.

 

To dosto aap ko konsa education system behtar lagta he? Japan ka ya fir bharat ka, Agar aapko ye comparison achha laga ho to comment karen aur apne sujhav de.

 

आप हमारे इस पोस्ट को नीचे दिए गए वीडियो में भी देख सकते हैं׀ इस वीडियो के अनुभव भी हमसे साझा करें और अन्य लोगों से यह वीडियो जरूर शेयर करें׀
इस पोस्ट को हमारे वीडियो में भी देखें

धन्यवाद ׀

 

Leave a Reply

Your email address will not be published. Required fields are marked *

Back To Top